जाम कम गर्न राष्ट्रपतिको सवारी रुट परिवर्तन !

    0
    225

    काठ्मांडौ ११ बैशाख। राष्ट्रपतिले राजकीय भ्रमण गर्दा प्रयोग हुँदै आएको साविकको सवारी रुट फेरिएको छ । लामो रुट प्रयोग गर्दा लामो समय काठमाडौँ उपत्यकाको सवारी जाम हुने तथा सर्वसाधारणले अनावश्यक हैरानी बेहोर्नुपरेको गुनासो बढेपछि गृहमन्त्रालयले राष्ट्रपतिको राजकीय भ्रमण रुट परिवर्तन गरेको जनाएको छ ।

    यसअघि राजकीय भ्रमण गर्दा लामो रुट प्रयोग गर्ने गरिएकोमा सर्वसाधारणले पाउने सास्तीलाई ख्याल गर्दै यसपटक छोटो रुट तय गरिएको हो । यसअघि, राष्ट्रपति राजकीय भ्रमणमा निस्कँदा प्रयोग हुदै आएको शीतलनिवास हुँदै लाजिम्पाट, केशरमहल दरवारमार्गको दक्षिणगेट, भद्रकाली ,सिंहदरवार, माइतीघर, बानेश्वर, तीनकुने, सिनामंगलबाट  एयरपोर्ट सडक प्रयोग हुने गरेको थियो ।

    तर, यसपटक भने सो रुट परिवर्तन गरिएको छ । परिवर्तित सवारी रुट शीतलनिवास, शिवपुरी स्कुल, वालुवाटार, भाटभटे्नी लोत्से, रातोपुल, गौशाला हुँदै एयरपोर्ट पुग्ने व्यवस्था गरिएको छ ।

    आज राष्ट्रपति विद्यादेवी भण्डारी राजकीय भ्रमणका क्रममा छिमेक मुलुक चीनतर्फ जाँदै हुनुहुन्छ ।

    गृहमन्त्रालयको सुरक्षा महाशाखाका अनुसार सर्वसाधारणलाई समस्या नहुनेगरी नयाँ रुट प्रयोग गर्न लागिएको हो ।  गृहमन्त्रालय अन्तरगतको सुरक्षा महाशाखा अन्तरगत नेपाल आर्मी, ट्राफिक प्रहरी, नेपाल प्रहरी सशस्त्र प्रहरी, प्रमुख जिल्ला अधिकारीलगायत सबै–सबै सुरक्षा अंगको बैठकले सवारी रुट परिवर्तन गरिएको हो ।

    राजकीय भ्रमणका लागि परिवर्तिन रुट छोटो हुनुका साथै सर्वसाधारणको सवारी चाप कम हुने स्थानमा पर्छ ।

    LEAVE A REPLY

    Please enter your comment!
    Please enter your name here